Pyare Nabi Ki Pyari Nawasi
Shaam Ko Qaidi Ban Ke Chali Hai
Sabr Ki Malka, Zahra (A.S.) Ki Pyari
Shaam Ko Qaidi Ban Ke Chali Hai

Dekh Rahi Hai, Koi To Aaye
Shaana Pakarh Kar Kaash Bithaye
Na Hai Sawaari, Na Hai Imaari
Shaam Ko Qaidi Ban Ke Chali Hai

Bhai, Bhateeje, Bhaanjay, Betay
Saath Watan Se Aayi Thi Le Ke
Haaye Muqaddar! Aaj Akeli
Shaam Ko Qaidi Ban Ke Chali Hai

Beton Ka Sadma, Bhai Pe Kar Ke
Jis Ne Kiye Thay Shukar Ke Sajde
Chhorh Ke Tanha Laash Ko Us Ki
Shaam Ko Qaidi Ban Ke Chali Hai

Jis Ki Kaneezen Niklein Na Bahar
Balwe Mein Laaye Us Ko Sitamgar
Haaye Yeh Ghurbat Binte Ali (A.S.) Ki
Shaam Ko Qaidi Ban Ke Chali Hai

Kitne Hi Qaidi Jis Ne Chhorhay
Aaj Woh Bibi Sar Ko Jhukaaye
Ek Rida Ki Ban Ke Sawali
Shaam Ko Qaidi Ban Ke Chali Hai

Socho Woh Manzar, Sarwar O Reyhaan
Bhai Ho Jis Ka Waris-E-Qur’an
Kaise Woh Bibi Ashk Bahaati
Shaam Ko Qaidi Ban Ke Chali Hai